Views: 486
Una poesia di Luciano Somma nella Pineta fantastica del Natale ischitano 2019
Una poesia di Luciano Somma
Una poesia di Luciano Somma nel Natale ischitano
Una poesia di Luciano Somma nel Natale ischitano
Pecchè Sulo a Natale? Luciano Somma
‘O suono ‘e na zampogna
na smania ‘e vulè bbene,
N’albero chino ‘e luce
nu desiderio ‘e pace.
Se stenne ‘a mano pure
a n’antico rivale
se sprecano l’augurie,
è ggià, pecch’è Natale.
Sarrà p’‘o clima ‘e festa
che porta ‘a ricurrenza,
‘o core cagna veste
ritrova na cuscienza.
‘Sta vita, pe’ nu juorno
diventa na livella
e ‘a ggente tutt’attuorno
chisà, pare cchiù bella!
Pure n’ommo ‘nfamone
carezza n’animale
nun fà cchiù ‘o fetendone
le pare naturale.
‘O popolo ‘e stu munno,
arravugliato ‘e male,
diventa bbuono ‘nfunno…
Pecchè sulo a Natale?
Una poesia di Luciano Somma nel Natale ischitano
